Erik From -Bioqrafiya

Erik From -Bioqrafiya

ERIK FROMM
Bioqrafiya

-YAXŞI ƏNƏNƏLƏR
-TALE VƏ ETİKA AXTARIŞINDA
-PSİXOANALİZİN TƏRƏFDARI
-QORXUNC PROQNOZ
-FREYDİZM, MARKSİZM VƏ İUDAİZM
-İNAM SƏNƏTİ

Əgər mən öz arxamda deyiləmsə, onda kim mənim arxamda duracaq?
Əgər mən təkcə özüm üçünəmsə, bəs onda mən kiməm?
Əgər indi yox, bəs onda nə vaxt

Erik Fromm – öz dövrünün əhval-ruhiyyəsini müəyyən edənlərdən və XX əsrin dahi mütəfəkkirlərindən biri. Bütün dünyada onun ideyaları qədər geniş yayılan çox az psixoloq tapmaq olar (Hələ Frommun sağlığında onun əsas əsərləri milyonlarla tirajda çap olunub).
Eyni zamanda treninq və diaqnostik manipulyasiyalara meyilli bir çox praktik psixoloqlar Fromm barədə demək olar ki, heç nə bilmirlər. Onun əsərləri əsasən insanın təbiəti, bu dünyadakı yeri, mövcudluğunun mənası barədə fəlsəfi, etik, sosial-psixoloji yanaşmaları əhatə edir. Əslində bütövlükdə psixoloji tədqiqat işləri elə bu yanaşmalardan doğur.




YAXŞI ƏNƏNƏLƏR
Erik Fromm 23 mart 1900-cь ildə Frankfurt-Maynda yəhudi ailəsində dünyaya gəlib. Anası Roza From-Krauz Rusiyadan emiqrasiya edən ravvinin qızı, əmisi Dayan Lüdviq Krauz isə Poznanda tanınmış talmudistlərdən biri olub. Əmisinin Talmud oxumaq barədə nəsihətlərindən təsirlənən Erik həyatını iudizmin öyrənilməsinə və təbliğatına sərf etmək istəyirdi. Onun ailə ənənəsi buna imkan verirdi.
Ticarətlə məşğul olan Erikin atası da ravvin oğlu olub. O ailəsində ortodoksal dini ənənələri saxlanmağa çalışıb. Bütün günü kiçik butikində müqəddəs kitablar oxuyan ata, alıcıların onu oxumaqdan ayırmasından həmişə şikayətlənərdi. Təbii ki, belə bir məqam Erikin ailəsinin maliyyə işlərinin pis olmasına gətirib çixardı.
Fromm həyatının sonuna qədər yaxınları ilə əlaqəsini itirmədi. Onların – Yəhudi icmasının – tamahkar işbazlarla ümumi heçnəyi yox idi. Fromm özü öz dünyasını kapitalizmə qədərki dövr, bəzən isə burjuaziyadan tamamilə kənar, orta əsr dünyası kimi təsvir edirdi.
O, xatırlayırdı: “Yanımda kimsə işbaz olduğunu, həyatını pul qazanmağa sərf etdiyini dedikdə mən heyrətə gəlir, onun yerinə xəcalət çəkirdim”. Çünki, İudist adətlərinə görə istənilən zəhmət, əmək özünütəkmilləşdirməyə, kamilliyə xidmət etməlidir. Maddiyat ruhi təminatların ödənilməsi üçün azadlıq əldə etmənin məqsədi yox, yazlnız vasitəsi ola bilər. Fromm sonralar iudist adətlərindən uzaqlaşsa da onun fəlsəfi nəzəriyyələrinin əsasında bu meyar dururdu.
Frommun gənc vaxtında Tor və Talmudu oxuyarkən gəldiyi nəticələr: “Bəşəriyyətin, insanlığın tarixi itaətsizlik aktından başlayır, həmin zamandan etibarən onun azadlığı və intellektual inkişafı başlayır”. Sonralar 60-cı illərin gənc üsyançıları entuziazmla bu ideylara köklənmişdilər.
Müqəddəs yazılarda Frommu aşağıdakı spesifik yazıların təsirləndirdiyi xarakterikdir:
Addəm və Həvvanın günaha batma tarixi, İbrahimin Soddom və Qommor əhalisini himayə etməsi, İon peyğambərin həyatı.
Frommun özünün “günahabatma” tarixi də maraqlıdır. Bir gün Fromm möhkəm ac olduğu vaxt küçə kioskundan gələn dadlı iyə meyl göstərir. Çox düşünməyən gənc talmudist, isti donuz sossiskasını alır, yoldaca yeyir. Və dünya heç də tərsinə çevrilmir! Hətta, gənc özünü pis və günahkar hiss etmir. Bəlkə də biz həmin sossiskaya minnətdar olmalıyıq ki, dünya adi ravvinini itirmiş, əvəzində dahi psixoloq qazanmışdır.
Ardı Var....

Hazırladı:Kamil Həmidov-Psixoloq
  • Müəllif: mpm
  • Tarix 8-06-2014, 18:52
  • Şərhlər : 5
  • Bölmə: Əsas, Son xəbərlər, Şəxsiyyət və Fərdiyyət
  • Baxılıb: 1730
Bu bölməyə aid digər məqalələr:     
Hörmətli qonaq şərh yazmaq və saytın digər imkanlarından yararlanmaq üçün, Xahiş edirik qeydiyyatdan keçin və ya öz hesabınıza daxil olun.
Son xəbərlər
Baxılıb: 4517 | Şərhlər: 6 | Müəllif: mpm
Baxılıb: 5170 | Şərhlər: 0 | Müəllif: mpm
Baxılıb: 3569 | Şərhlər: 4 | Müəllif: mpm
Baxılıb: 25674 | Şərhlər: 3 | Müəllif: mpm
Baxılıb: 6650 | Şərhlər: 0 | Müəllif: mpm
Baxılıb: 5285 | Şərhlər: 4 | Müəllif: mpm
Baxılıb: 3687 | Şərhlər: 2 | Müəllif: mpm
Baxılıb: 2705 | Şərhlər: 3 | Müəllif: mpm
Baxılıb: 3373 | Şərhlər: 0 | Müəllif: mpm
Baxılıb: 1918 | Şərhlər: 2 | Müəllif: mpm
Mütəxəssislər

Online əlaqə
info
Sorğu

Saytda yerləşdirilən movzülar sizi qane edirmi?

Əla
Yaxşı
Kafi
Qeyri kafi

 
«    Yanvar 2018    »
BeÇaÇCaCŞB
1234567
891011121314
15161718192021
22232425262728
293031 
Reytinq
ILK-10 Azeri Website Directory